186-р тусгай цэцэрлэгт кофе булан тохижууллаа
Түүнийг Г.Оюун-Эрдэнэ гэдэг. 2023 онд нийгмийн ажилтнаар сургуулиа төгсөөд энэ намраас 186-р тусгай цэцэрлэгт нийгмийн ажилтнаар ажиллаж байна. Тус цэцэрлэг нь 2007 оноос эхлэн Аутизмын хүрээний эмгэг, хараа болон сонсголын бэрхшээл, оюуны бэрхшээлтэй хүүхдэд сургуулийн өмнөх боловсрол, сэргээн засах эмчилгээ, нийгмийн халамжийн үйлчилгээг цогц байдлаар үзүүлдэг улсын цэцэрлэг юм. Хараа, сонсгол, хэл яриа, оюуны бэрхшээлтэй хүүхдүүдийн тус бүр 1 бүлэг, аутизмын хүрээний эмгэгтэй хүүхдийн 3 бүлэг, нийт 7 бүлэгт 2-7 насны 80 хүүхэд суралцдаг ба нийт 40 ажилтантайгаар үйл ажиллагаа явуулдаг. Монгол улсын хэмжээнд тусгай цэцэрлэг нийт 2 байдаг бөгөөд Улаанбаатар хотод байрладаг. Хөдөө орон нутгаар энэ жилээс чиг үүргийн хүрээнд сонгогдсон цэцэрлэгүүдэд энэ чиглэлийн ангиудыг нээх, сургалтын хөтөлбөр нэвтрүүлэх зэрэг ажлууд хийгдэж эхэлжээ.
186-р цэцэрлэгийн Багш нарын хувьд хүүхдүүдийн тусгай хэрэгцээ, ялгаатай байдалд нь тохирсон асрах үйлчилгээ үзүүлэхээс гадна тосон бариа, хэл засал, оюуны хөгжил, мэдрэмж хөгжүүлэх зэрэг онцлох ангиудтай.
Нийгмийн ажилтны хувьд багш ажилтнуудтайгаа уулзаж, эрүүл аюулгүй сэтгэл зүйн орчинд ажиллахад нь тэдэнд дэмжлэг үзүүлдэг. Мөн хөгжлийн ялгаатай, бэрхшээлтэй хүүхдүүдийн ээж аав, асран хамгаалагч нартай уулзах хийх нь юу юунаас илүү чухал байдаг аж.
2023 оны ажлын байрны стрессийн тайланд
- Стрессийн шинж тэмдгүүд
- Хувиар илэрхийлбэл
- Санаа зовнил 72%
- Нойрны хямрал 46%
- Ядрах 63%
- Анхаарал сулрах 42%
- Уур уцаартай болох 46%
- Хоолны дуршил өөрчлөгдөх 50% гэсэн дүн гарсан бөгөөд үүнээс үүдэн нийгмийн ажилтан Г.Оюун-Эрдэнэ кофе булантай болсноор бага ч болов эерэг өөрчлөлт гарах байх гэж зорьжээ. Бидэнд илгээсэн түүний зурвасыг хүргэе.
Жижигхэн түүх
Би нийгмийн ажилтнаар ороод удаагүй байгаа. Би хааяа нэг кофе авч уудаг байсан. Энэ ажилдаа ороод л кофены хүчийг мэдэрч байна. Нэг аяган дотор тийм их зүйл багтаж болдог гэж өмнө нь төсөөлж ч байсангүй. Кофе уух уу гэх үгэнд Чи зүгээр үү, одоо дахиад жаахан хичээгээд үзэх үү гэх анхаарал, халамж багтдаг юм шиг ээ. Ажил бол бидний амьдралын салшгүй нэг хэсэг. Гэхдээ бид ажлынхаа хажуугаар амьдрах гэж мөн хичээн тэмцдэг.
Манайд өглөө хамгийн эрт ирээд, орой хамгийн сүүлд явдаг хүмүүс бол цэцэрлэгийн багш нар юм. Би цэцэрлэгийнхээ ажилтан нэг бүрийг хүндэлж, хийж байгаа зүйлсээр нь бусдыг бодох сэтгэлээр нь бахархдаг . Эдгээр хүмүүст ажлынхаа хажуугаар хэсэгхэн ч болов сэтгэлээ амраах орчин бүрдүүлэхээр хичээж байгаа минь энэ юм аа. Бид хөгжлийн ялгаатай, бэрхшээлтэй хүүхдүүдэд сургуулийн өмнөх боловсрол олгож, асрах үйлчилгээ үзүүлэхийн зэрэгцээ тухайн хүүхдийн асран хамгаалагчидтай уулзах, үйлчилгээ үзүүлэх шаардлагатай болдог. Бид тэдгээр асран хамгаалагчдад ч мөн адил хүүхдээ цэцэрлэгт нь өгөөд зарим өглөө нь кофе уугаад гарах нөхцөл бололцоог бий болгох болно.
Хаяг: Сүхбаатар дүүргийн 11-р хороо Цагдаагийн гудамж 100 айл 29-р сургуулийн хашаанд
Цахим шуудан: 186.socialworker@gmail.com
Ачаалалтай өдрийн дундуур аяга кофе амсхийж уун сэргээд, эргэн ажилдаа эрч хүчтэйгээр орохын сайхныг бид мэддэг учраас тусалж дэмжихийг хүсэн кофе хэсгийг нь тохижуулж өгөхөөр шийдэв. Манай Jack’s coffee ийн залуус хана болон таазыг шинэчлэн будаж, ханын зургууд зурж, буйдан, кафен ширээ сандал байрлуулж, кофе нэрдэг машин, гар аргаар кофе чанах хэрэгслүүд, шинэхэн хууралтын кофе зэргийг байршуулан нэг өдрийг утга учиртай, бусдад эрч хүч, тус дэм болж байгаадаа өөрсдөө ч мөн баяр хөөртэйгээр өнгөрүүлэв. Танд ч бас туслах боломж бий. Нийгмийн цөөн хэсэгт чимээгүй ажиллаж яваа тус цэцэрлэгийн багш ажилтнуудад кофе илгээж аяга кофены хүчийг түгээгээрэй.
Ажлаа өдөр бүр чин сэтгэлээсээ хийн, хүүхдүүдийнхээ өсөж хөгжихийг хараад зүрх нь баяраар бялхдаг багш баатрууддаа “Багш нарын баярын мэнд дэвшүүлье”
Бид хүрээлэн буй орчин болон нийгэмдээ эерэгээр хувь нэмрээ оруулахыг хичээдэг.
.jpg)
